Diamars atardi alrededor di 5:30 pm polis a para un scooter cerc’i rotonde di Alhambra. Polis a pidi e motociclista pa rijbewijs y papel valido di scooter. E motociclista no por a demostra un rijbewijs valido segun informacion ricibi.
E number riba e scooter tampoco ta cuadra. Esaki a pone cu el a keda na pia, mientras a takel e scooter y hib’e direccion warda di polis. Pa awo, e motociclista tin cu bay paga su number y regla su rijbewijs prome cu e por haya su scooter bek.
