E siman aki Corte Comun di Husticia, mas conoci como Hof, a yega na un decision hopi interesante pa un caso di belasting di Corsou.
Minister Silvania na inicio di 2023 a anuncia riba su Facebook cu debenan di belasting di 2017 y mas bieu, no ta bay wordo cobra activamente mas door di Ontvanger
Di e informacionnan aki publica riba Facebook, Minister laga sa di forma cla y sin reserva cu esaki ta conta pa tur debe di belasting y cobransa di belasting di 2017 y mas bieu.
E Minister a conseha e ciudadanonan pa pasa na Ontvanger y pidi un debiteuren lijst pa controla si e limpiesa aki den e lista di cobransa a bay di forma corecto.
Hof awe den algun caso a dicidi cu e expresion di e Minister, sin duna mas splicacion, bou di e circunstancianan ey ta conduci na e echo cu e pagado di belasting por conclui cu Ontvanger no ta bay saca cobransa mas.
Nan cobransanan no tabata aparece mas desde final di januari, 2023, riba debiteurenlijst di Ontvanger.
E echo cu Ministerio di Finanza diripente ta saca un comunicado di prensa, fecha 3 di april 2023, pa papia di tres excepcion, no ta cambia nada na e situacion prome. E excepcionnan ey ta drenta na vogor entrante e fecha di 3 di april, 2023. Pa tal motibo, nan no tin interes mas den e caso den apelacion.
Pues Corte ta mira caba cu e excepcionnan cu a bini cu nan den luna di april ultimo, no ta conta pa e anuncio cu el a haci na januari. Pa e motibo aki e apelacion di nan no tabatin sentido.
