Aruba Volleyball Association tabata tin un weekend exitoso di beach volleyball cu a tuma lugar riba e canchanan di beach na Centro Deportivo Betico Croes.
Pa e competencia aki dos Team di Curacao a bin Aruba pa midi forsa contra e teamnan di Aruba den e categoria di Cabayeros Senioren.
Banda di e categoria di Cabayeros Senioren, tabatin competencia di beach volleyball den e categoria di Damas U-19, Cabayeros U-19 y Recreativo. E publico presente y e atletanan mes por a gosa y nira bon wega di beach volleyball.
E weganan a inicia den ora di atardi, mirando e solo cayente cu tabata reina riba nos isla, pero den ora laat di atardi, e luznan a cende pa asina e competencia por a continua te den ora di anochi. Esaki a crea sigur un dushi ambiente na momento di presencia e weganan di beach volleyball.
![](https://24ora.com/wp-content/uploads/2022/07/base7.png)
E weganan final a tuma lugar diadomingo anochi y e scorenan tabata como lo siguiente:
Categoria Recreativo e team di: Seiyeung/Anchelino/Carlos y Alvaro a bira campeon mientras cu e team di: Tristan/Ruiyuan/Chloe y Catherine a finalisa na di dos lugar.
Den Damas U-19 e duo di Emily/Wilesha a vence e team di Samira/Tara 2-1.
Den Cabayeros U-19 e duo di Zevon/Jeandrey a competi pisa contra e duo di Keanu/Cristopher unda finalmente cu score masha preta, e Team di Zevon/Jeandrey a bira campeon cu score di 2-1. Na di tres lugar a keda e duo Brian/Jermar cu a gana di e duo Vladimir/Akeal.
Y den e categoria Cabayeros Senioren, e finale nan a bay entre Curacao y Aruba, tanto pa e di tres (3) lugar como pa e campeon y subcampeon.
![](https://24ora.com/wp-content/uploads/2022/07/base6.png)
![](https://24ora.com/wp-content/uploads/2022/07/base3.png)
![](https://24ora.com/wp-content/uploads/2022/07/base5.png)
![](https://24ora.com/wp-content/uploads/2022/07/base2.png)
![](https://24ora.com/wp-content/uploads/2022/07/base1.png)
Na di tres lugar e team di Curacao Lysandro y Jursham a gana e team di Aruba Joshua y Jorvin 2-0 den un bon wega.
Y pa di prome lugar e bataya a bay entre e team di Curacao Gilbert y Shurendy y e team di Aruba Eddy y Gregory. Ambos team a competi bon cu otro pero na final cu score minimo e duo di Curacao Gilbert/Shurendy a mustra nan abilidad y experiencia y a gana Aruba for di Eddy y Gregory cu e score di 2-0.
Un anochi cu a conclui hopi bunita cu entrega di meda na e teamnan campeon y ganado, unda e atletanan ya ta puntra ta ki dia e siguiente competencia ta sigi.
Aruba Volleyball Association ta gradici tur refree y scorers, Aruba Sport Unie y tur otro instancia cu a apoya y duna sosten na A.V.A. pa cu e competencianan aki cu tabata uno exitoso.