Ya caba for di marduga diaranson, autoridad den e caso aki, grupo di RST (Recherche Samenwerkingsteam), grupo sosteni pa Cuerpo Policial, tambe sosteni pa personal specialisa den listramento di Marina Real y tambe demas teamnan encarga, a drenta diferente adres na Aruba, esaki ta relaciona cu un caso grandi di droga.
Un grupo di crimen organisa cu tabata bezig cu asuntonan di droga na Aruba y cu a wordo vigila pa algun tempo caba pa autoridad di RST. Nan a bishita cuater adres. A bay Savaneta, a bishita Cashero, Safir y Sero Colorado.
Probablemente lo bay tin varios detencion y tambe listramento na tur e adresnan aki. Tambe riba caya tabata tin ainda hendenan cu tabata moviendo, cu no a wordo haya na e adresnan. Entre otro banda di aeropuerto, a sigui un sospechoso cu tambe lo tabata wordo busca den e caso cu nan ta bezig cun’e. Ta papia aki di un grupo di stranhero biba na Aruba, hendenan for di Colombia, entre otro cu lo ta na Aruba, hunto cu un grupo local, meti den baho mundo y envolvi den casonan grandi
di droga.
Na Sero Colorado, Cashero entre otro, a haci uso di arestatieteam, pa asina drenta e casnan aki, mirando e peliger cu tin ora cu ta papia di crimen organisa cu droga, cu arma, etc. Ministerio Publico a confirma e accionnan cu nos ta mencionando y nan lo bay manda un relato tambe relaciona cu e accion grandi di droga. Keto bay for di diaranson mainta 4’or tur cos a cuminsa y pasa di 10’or nan tabata bezig riba caya. Banda di aeropuerto, e persona cu a wordo para den e Lexus, a wordo deteni y a wordo transporta pa warda, pendiente interogacion tambe. Ta siguiendo e caso di cerca, pasobra ta un caso hopi grandi y hopi persona envolvi den e investigacion.
