Riba e caminda di Avenida Nelson Oduber, esta ex-Sasakiweg, tin awa sushi para. E awa aki ta bin for di Bubali Plas. E awa aki ta hole malo y cantidad di auto ta pasa den e awa.
Como cu ta diabierna, comienso di fin di siman, no por bisa cu e instancianan concerni ta na altura di e situacion ta pasando net pariba di Bubali Plas. E awa aki, cu tin holo desagradabel, ta berde scur, sushedad ta bayendo riba e caminda.
Ta pidi e instancianan concerni, specialmente cu ta 4:00 pm y tur departamento ta cera, pa haci algo mirando cu awo esaki ta pasando. E automobilistanan cu ta pasando e momento ey, ta pasa den e awa aki y ta kere cu esaki ta awa di yobida pero esey no ta e caso.
E awa aki ta saca un holo desagradabel. Esunnan cu ta na altura di e awa stinki aki, e chauffeurnan cu ta na altura cu e awa ta di Bubali Plas, ta hala pa no pasa aden. E consecuencia di hala p’e awa aki, por causa un accidente. Sinembargo, tin cu ta pasando cu poco velocidad.
