Diabierna Mary Bruges a hay’e den un situacion fastioso y kier a aclaria kico a pasa. El a indica cu diahuebs su ex-pareha a yam’e pa informa di a saca 1099 florin dje compania. Esey tabata un motibo cu desde diahuebs el a rabia.
Mary Bruges, kende ta un comerciante, ta puntra su mes ki mishi el a saca asina cantidad di placa. Ambos ta director pa nomber, pero esun cu ta sali bende y entrega carga ta Bruges. El a splica cu e ta keda ocho ora den un tienda y tur cu conoce, sa na Tanki Leendert tin un tienda cu e so ta handle. E ta haci tur cos y pa haya e noticia di a saca 1099 florin fo’i cuenta di banco.
E tin di paga su auto cu e ta uza pa trabou, tambe e tin di paga huur di 1450 florin. Su ex-pareha a inform’e e ta saca placa ki ora e kier. Esey no a cay den bon tera cu Bruges, kende a bis’e pa deposita e placa bek diabierna ultimo. E persona a bis’e algun biaha e no ta haci esey, cual a pone Bruges ‘flip’ y el a benta abou tanto printer como computer.
Supuestamente nan ta socio den un compania, pero Bruges tin di traha pa duna su socio mil florin pa luna. E ora e kier sa kico e persona ta haci den e compania, si ta traha p’e of yuda cu algo. Na momento cu nan a cuminsa cu e compania, niun di dos a inverti pero Bruges ta traha cu un compania cu a dun’e oportunidad pa bin cu esun di dje. Esey ta loke nan a haci.
