Recientemente a tuma luga entrega di certificado na e grupo di ‘Empowered Women Exporters’.
Dave Martinus, Certified Businesscoach, tabata un di e graduadonan di e curso di ‘Empowered’ di Exprodesk. Ta for di 2019, e curso a cuminsa y e ta un curso hopi extenso. Durante e pandemia, nan a sigui y esaki a yudanan enormemente, aunke riba e sistema online.
Martinus ta contento cu nan tabata por a finalisa e parti di siña con pa exporta un producto, exporta conocemento.
Den su trabou, Martinus lo kier inspira mastanto hoben entrepeneurs, unda cu den e mundo global, mundo ta bira chikito. Importante ta pa sa con pa exporta, pa sa e reglanan. Pero tambe con ta crea e miho strategia- y miho maneranan con pa exporta.
Como coach, e lo t’ey pa e hobennan di Aruba, guianan con pa logra esaki.
