Corte Comun a dicta algun rato pasa cu e apelacion cu e preso Eugene Lampe a presenta pa obtene su libertad, no tin base. Manera ta conoci, Lampe lo mester a sali di KIA den luna di augustus despues di a cumpli cu dos tercer parti di su condena pa asesinato di su mayornan y ruman. Sinembargo, Minister di Husticia, Andin Bikker a interpone un medida, den forma di un Decreto Ministerial, pa pospone su libertad mientras cu ta haya un alternativa cu no ta representa un menasa pa e bienestar general. Corte a bay di acuerdo cu esaki.
Lampe, a apela e decision ey y esaki a bin awe dilanti di mesa berde caminda huesnan Veldehuisen, Geurts-de Veld y van Opstal ta considera cu e obhecion di Lampe no tin merito legal. Entre e cuater argumento riba cual Corte Comun a basa nan decision, ta inclui cu no ta existi e condicionnan cu por garantisa e siguridad general.
Pa cobertura mas amplio, lesa e edicion di TREMPAN mañan.
