Horacio Oduber Hospital un bes mas kier informa comunidad di e cifranan y e biaha aki ta di luna di november 2023. Esaki ta brinda transparencia y alabes ta duna indicacion di loke ta sosode na nos Hospital pa loke ta cuido, e parti diagnostico y tambe donacion di sanger.
Durante luna di november 2023 a hospitalisa 871 pashent cu tabata mas cu na september (786) y tambe na october (833). Cada pashent cu a hospeda den Hospital a keda un promedio di 3,7 dia cual ta menos cu na october cu tabata un promedio di 4,3 dia. E ocupacion di cama na november tabata 79% cu ta menos cu na luna di october (91%).
Den nos camber di operacion a tuma luga 566 operacion cu ta 14 operacion mas cu na october (552). A nace un total di 92 baby na november cu ta mas cu na october (80) y tambe september (81). Y tambe na november nos heroenan a pasa Bloedbank y a haci un total di 167 donacion di sanger.
Departamento di Emergencia a mira na november 2845 pashent cu ta 216 pashent mas cu na luna di october (2.629).
Specialistanan den servicio di HOH a haci un total di 6685 consulta cu pashent cu ta 675 consulta mas cu na luna di october na e diferente policlinicanan di HOH. Departamento di Radiologia a haci un total di 4651 test manera CT scan, MRI y mas. Un total di 11453 persona a bay departamento di LABHOH pa haci nan test. Y un total di 798 pashent a sali for di Hospital.
Danki na famia di HOH cu semper t’ey pa brinda cuido safe y sigur 24/7 na comunidad di Aruba y tambe na nos turistanan.
