Ainda por corda cu na final di 2019, comienso di 2020 cu Organisacion Mundial di Salud a bati alarma pa un virus peligroso descubri na Asia. Na maart 2020, a declar’e un pandemia mundial y mundo a para keto.
Eric Ras di partido CURPA tabata un di e poco politiconan cu semper a cuestiona henter e cuestion di pandemia y di COVID. Segun Ras, mundo cada dia cu pasa ta mas riba su cabes. Tabata tin grito riba e aumento di cantidad di hende cu ta muri aki na Aruba pero diripiente tur hende ta keto y ningun hende no kier toca e tema aki. Parlamentarionan ta ketoketo y ningun di nan ni sikiera a yama e minister di salubridad bin Parlamento pa duna cuenta.
E silencio aki ta lanta sospecho cu e parlamentarionan ta debidamente na altura di e consecuencianan. Esey ta duna pueblo di compronde cu salud di pueblo no ta importante. Un prueba palpante ta cu gobierno no a saca un man pa nos grandinan y ta laga nos grandinan paga pa nan propio remedinan mientras AZV ta spaar riba salud di pueblo. Esaki nos ta yama amor pa pueblo? Nos grandinan no por biba di un solo pensioen y gobierno ta man crusa. Esunnan sin trabao tambe ta pasa den duro.
Internacional tin hopi noticia caminda cu ta cuestiona Organisacion di Salud Mundial paso e director cu ta di Ethiopia ta riba lista di terorista na Merca. E persona aki no ta un dokter ni tampoco un cientifico. Na Merca dr. Anthony Fauci ta wordo cuestiona pa locual ta trata e protocol cu a wordo uza rond mundo durante e supuesto pandemia di Covid. No tin estudio cientifico cu a hustifica e uzo di e tapaboca, distanciamento social, PCR test, lockdown y e vacuna. Tur ta falso. Ivermectin y hydroxychloroquine tabata masha bon contra di e virus. Informacionnan cu ta bin den publicidad ta bisa cu hospitalnan y dokter tabata cobra pa pashentnan cu nan a declara cu a muri pa via di Covid.
Dr. Robert Malone y 17000 dokter te dia di awe ta cuestiona Organisacion Mundial di Salud pa e maneho cu nan a hiba y cu mas di 17 miyon persona a perde nan bida. Na Italia e ex minister di Salubridad tin keho entrega contra di dje y ta responsabel pa esunnan cu a fayece. Nan a culp’e di genocidio.
Na New Zealand e IT Barry Young a base di datos di salubridad a saca informacion unda a bin na cla cu esunnan cu a vacuna ta esunnan cu mas a fayece. Nunca a existi un pandemia paso locual cu a wordo uza pa pone panico rond mundo ta un arma biologico. Covid ta un arma biologico. E efecto secundario di e supuesto vacuna a genera 500 biyon di dollar. Blackrock ta un organisacion poderoso cu ta doño di canal di television y tambe ta doño di e laboratorionan farmacuetico. P’esey informacion no tabata yega na e pueblo.
Esaki ta e plan di Sustainable Development Goals cu nos gobierno a firma. World Economic Forum y Organisacion Mundial di Salud tambe ta forma parti di e cartel. Esunnan tras di gobiernonan rond mundo a faya y a kere cu nan lo bay goberna mundo. Esaki ta e motibo cu e partidonan socialista bao di engaño ta busca tur manera pa drenta den gobierno. Rond mundo tabata tin partidonan socialista ta goberna pa asina ehecuta e plan maquiavelo pero pueblonan nan wowo a habri y esaki ta e motibo paisnan rond mundo ta scoge pa un partido derechista.
E 17 puntonan di e Sustainable Development Goals ta bunita poni riba papel pero den realidad e ta baha e poblacion mundial, haci bo pober pa bo biba na merced di gobierno y kita bo libertad. Keda hisa edad di pensioen pa asina bo muri bay sin cobra pensioen. Tanto partido MEP como partido AVP a firma acuerdonan di Sustainable Development Goals. E grupo di letter di alfabet tambe ta wordo gesponsor pa e organisacionnan aki paso nan tambe ta contribui na baha e poblacion mundial.
A cuminsa cu geregistreerd partnerschap, kier sigui cu matrimonio di mesun sexo y asina sigui bay. E ley no por a pasa pa e simpel motibo cu e ta den porta di eleccion y e partidonan aki no kier perde voto. Tin un dicho cu ta bisa cu si bo gaña mi un biaha ta bo culpa. Si bo gaña mi 2 biaha ta mi culpa paso ya bo a gaña mi un biaha caba. Partidonan tradicional ta keda gaña bo y awe nos ta biba e realidad di tur engaño nan y nos tur awe ta pasado den duro.
E agenda 2030 ta un agenda satanico y nos tin parlamentarionan supuestamente Cristian ta sigui brasa e agenda aki. Tempo di Dios ta perfecto. Partido Curpa e unico alternativa.
