EPB Oranjestad a celebra e logro di 71% durante e prome tijdvak di e examennan, marcando un logro significativo na caminda pa excelencia educativo. Segun director Erwin Lopez, a pesar di e desafionan considerabel den e calidad y maneho di e examennan, cu a resulta den retraso den e publicacion di e resultadonan te cu diabierna ultimo, e compromiso y e dedicacion di e studiante y e docentenan tabata fundamental pa alcansa e resultadonan aki.
E ta sigui indica cu e logro aki ta representa no solamente e exito academico di e studiantenan, sino tambe den e esfuerso colectivo di e comunidad educativo di EPB Oranjestad. E aña aki, e muchanan cu a slaag awo mester cuminsa bisa cu esaki t’e prome grupo di e sistema bieu. Ainda tin e sistema nobo cu ta e otro mita di e grupo cu lo bay slaag te na fin di luna, ora cu nos haya sa si nan lo slaag si of no.
Lopez ta gradici sinceramente e colaboracion excepcional di e cuerpo di docente, cal compromiso tabata crucial pa orienta y apoya e studiantenan den cada paso di e caminda.
Actualmente, segun Lopez, nan ta concentra den atende e desafionan administrativo cu a impacta e maneho di e examennan di e aña aki, reconociendo e limitacinnan di e personal di Directie Onderwijs, cual a presenta reto adicional. Sinembargo ta mantene un compromiso firme cu e calidad educativo, trahando incansablemente pa proporciona un ambiente di enseñansa optimo pa tur studiante.
Un mucha muhe entre e mucha hombernan
Ariadna Valencia Arias, studiante di E4D1 techniek, electromonteur, como studiante comprometi cu su carera na EPB Oranjestad, por sirbi como testimonio e importancia di perseverancia y e esfuerso personal riba e caminda pa exito academico. Enfrenta e retonan cu determinacion y dedicacion ta fundamental pa alcansa su metanan educativo y profesional.
Ariadna lo anima su compañeronan pa sigui padilanti cu determinacion, reconociendo e impacto transformador di educacion den nan bida y den nos comunidad. Cada obstaculo supera ta acerca nan mas na nan metanan, fortaleciendo nan como individuo y como parti di un comunidad educativo comprometi cu excelencia.
E articulo aki ta destaca e logronan significativo di EPB Oranjestad di e aña aki subrayando e resiliencia y e compromiso di e studiantenan y e personal educativo contra e desafionan presenta. E ta un testimonio di nos capacidad pa supera adversidad y sigui avansa pa un futuro educativo prometedor y yena di oportunidad.
N’e studiantenan cu a slaag, hopi pabien y exito cu boso futuro reto. Na esunnan cu tin cu bay haci nan her examen hopi suerte, pasobra nos ta convenci cu nan lo logra.
