Diahuebs, pa mas o menos di 8:30 pm, un team special di polis a tene un entrada hudicial den Macubaristraat. Ta for di trempan caba tabata vigila un cas den Macubaristraat, pa ta exacto #21 y cu ta conoci pa husticia.
E team di droga di districto di Noord compaña pa patruya di Playa y fiscal a drenta y detene hende. Tabata busca droga den e cas.
Na prome instante a bisa cu a detene un hende muhe. Sinembargo segun informacion suministra di parti di Cuerpo Policial, a detene e homber di inicial F.S.G., naci na Aruba di 59 aña di edad.
Pa Cuerpo Policial por resolve mas caso cooperacion y informacion di pueblo di Aruba ta hopi importante. P’esey ta pidi si tin cualkier informacion yama tiplijn: 11141. Bo anonimato ta keda garantisa.
