Nos ta na bispo di e di 10 edicion di Aruba Doet, pero ainda ta en busca di boluntario.Pauline ter Meulen, kende ta coordinando henter e esfuerso di Cede Aruba, pa asina por tin un bunita evento.
E ta conta cu tur cos ta bayendo hopi bon. Tin un record e aña aki di 190 proyecto. Pero pa por yena e proyectonan aki mester di mas di 3000 boluntario. Ya caba tin casi tur proyecto yen, sinembargo falta mas boluntario. Ta spera cu ainda tin hende cu no tin co’i haci diasabra, aunke cu Aruba Doet ta diabierna y diasabra.
Pa diabierna caba nan ta yen. Sinembargo pa diasabra mester di algun boluntario mas.Pa loke t’e proyectonan cu tin mas mester di boluntario, tin Fundacion Trampolin pa trabao, cu ta finalisando nan afdak, cu mester di 10 boluntario.Fundacion Centro di Bario Ayo, tin mantencion di nan miniturf di nan veld di futbol, cu 5 boluntario.
Grupo San Dominico, unda cu nan ta drecha nan entrada di nan blokhut, mester di 10 boluntario.UA FCCA cu tin e proyecto Slam Dunk Sabana Basora Part 2, tin mester di 4 boluntario.Sportvereniging Racing Club Savaneta, caminda cu ta haci limpi rond di nan compleho di futbol, mester di 5 boluntario.Stichting Ministerio Shaddai Aruba, unda cu nan ta verf nan edificio, mester di 3 boluntario.
Anglo Kleuterschool, unda cu nan lo embeyece nan zandbak (klas 5), mester di 8 boluntario.Fundacion Fe Esperanza y Amor, unda cu nan ta creando un greenhouse, mester di 3 boluntario y por ultimo Pasadia Infantil Te Aworo caminda lo verf e muraya parti pafo y embeyece nan cura, mester di 5 boluntario.
Pa cobertura mas amplio lesa edicion di TREMPAN mañan.
