Tanto pa mr. Gerlien Croes como pa mr. dr. Ryçond Santos do Nascimento, e emocionnan pa ta pa prome biaha den parlamento, ta uno hopi halto.
Croes ta indica cu ta algo cu nan a traha hopi duro p’e, y tambe algo cu nan a premira.
“Aruba tambe ta cla pa mira caranan nobo den Parlamento y ta algo cu nan merece. Pa e hobennan bin vocifera na pensamento,” el a indica.
Como hoben, Croes a menciona cu durante campaña el a mira e necesidad den comunidad y ta algo cu sigur e lo bay pone hopi atencion riba dje pero tambe duna atencion na e lista di ley cu mester ta cambia.
mr. dr. Ryçond Santos do Nascimento ta un di e otro politiconan cu lo huramenta pa loke ta version di AVP. E ta conta cu tin un draaiboek cu ta basta preta. E expectativa ta pa huramenta. Cada parlamentario por scoge si e ta duna e huramento of promesa. Esaki sigur ta un momento importante. E otro momento importante ta celebracion di nos democracia.
Enfoke di Santos do Nascimento ta keda hisa calidad di politica na Aruba. E decisionnan di gobernacion pa tuma luga na un manera strak. Tin hopi factor cu ta social, factor di educacion cu tambe lo tin atencion di e futuro parlamentario.
