Riba e ultimo dia di e Mision Comercial na Surnam, B2B (Business to Business) e Embahador di Reino Hulandes pa Surnam y Guyana, a organisa un netwerking. Aki el a probecha papia cu tur presente riba Mision Comercial.
Walter Oostelbos, Embahador di Reino Hulandes pa Surnam y Guyana, a indica cu hacimento di negoshi na e pais no ta bay asina vlot manera “cu nos ta custumbra.” Esaki tabata debi cu pa hopi tempo gobierno no a inverti y a bini un cambio final na 2020 ora cu un gobierno nobo a bini na mando. Cu forsa nan ta pusha pa fortalece e “ondernemerschap”, curashando un miho clima di y Gobierno Hulandes ta sostene Surnam cu esey.
E mision comercial di Aruba pa Surnam no solamente ta señal di curashi pero di e espirito di emprendimento. Den e area Caribense, Aruba tin un adelanto grandi den e sector financiero, sistema bancario fuerte. Aruba tin un adelanto grandi den e sector turistico. Pronto Surnam lo haya un entrada grandi di empresa y expertonan den ‘oiling gas.’ E ta kere cu aki e empresarionan Rubiano lo hunga un rol tambe.
Oostelbos a bisa tur invitado cu e ta Embahador di Reino Hulandes, pero tambe e ta eynan pa e empresanan di Aruba. E ta eynan orguyoso como Embahador di Reino Hulandes. E ta eynan pa prome bes di tin e oportunidad di a ricibi un delegacion cu un minister di Reino Hulandes cu comerciante.
Surnam ta un luga unico pa inverti. El a indica cu e ta e unico Embahador di Reino cu por haci su trabou completamente den su idioma. Su colega na Belgica tin cu haci su trabou mita na Frances y esey ta hacie special. Si pone banda di e islanan Aruba, Corsou y St. Maarten, cu nan tres tin un relacion historico importante cu Surnam. E Embahador ta kere den duna chens n’e empresanan Hulandes como esunnan di Caribe Hulandes na Surnam.
