Segun fuentenan bon na altura, Sindicato STA y gerencia di NV ELMAR, despues di varios luna di negocacion, ta yegando na otro cual ta encera cu lo vries salario pa un aña. Tur cos ta mustra cu tin un grupo grandi di trahadonan cu ta compronde y ta di acuerdo cu e puntonan stipula den e acuerdo, sinembargo tin algun cu ta insisti y kier impone pa pone condicion pa cumpli cu e entrega di 12,6 % of nan kier alarga e discusionnan.
E actitud aki hopi trahado no ta comparti, ademas siman pasa trahadonan di otro sectornan den nos comunidad a condena e rumornan aki. Hopi ta haya cu e trahadonan di e companianan estatal manera ELMAR y WEB ya ta gana hopi mas cu sector priva y cu no ta husto condiciona of pidi recompensa pa loke nan ta entrega.
Loke e trahadonan den sector priva a perde, nan si no lo haya nada bek. Mester bisa cu e entrega di un parti di salario ta un instruccion y condicion di Hulanda cu Aruba tin cu cumpli cu ne pa haya ayudo financiero pa e propio ambtenaar por cobra.
Otro sectornan ta mirando e desaroyo aki di acerca, hasta a papia di “inhusticia laboral” memey di un crisis cu keto bay ta afectando un gran parti di nos comunidad basta duro.
