Menos cu mita di e cantidad di votadonan registra a participa den e eleccion di Gemeente teni diabierna 18 di maart na Den Haag, Hulanda. E porcentahe aki ta representa 182.560 voto deposita. E resultado preliminar ta indica cu e mayoria di voto a pa bay pa Hart voor Den Haag/Groep de Mos cu nueve asiento, sigui pa VVD cu 7 asiento, D66 cu 8 asiento, Groenlinks cu 5 asiento, CDA y Pvd.A cu cu tres asiento cada un.
Otro partidonan cu tambe a saca asiento den e eleccion ta Haagse Stadspartij, Partij voor de Dieren, PVV, ChristenUnie-SGP, SP, DENK y Forum voor Democratie. Ocho otro partido no a alcansa e cantidad di voto necesario pa por a saca un asiento den e Gemeenteraad. Dialuna awo 21 di maart, e Oficina Central di Eleccion lo emiti e proces-verbaal cu e resultado final cu lo inclui probablemente tambe e votonan individual.
Manera ta conoci, e Arubiano Mandy Villasmil a participa como candidato den e eleccion aki representando partido CDA. 24ora.com ta keda pendiente di su resultado individual.
