Diadomingo anochi a pidi presencia di polis pa un accidente cu a tuma luga den Koningstraat. Un auto a bay dal den un otro, cu tabata staciona riba acera di e caya menciona. Ora a bay tira bista a bin ripara cu e chauffeur, femenino den e caso aki, tabata completamente intoxica.
E accidente aki a tuma luga den ora laat di anochi, pasa di 12or, ora cu a bin topa cu un Toyota blauw scur ( A-74163) cu daño na dje pero tambe na e auto staciona, cu ta un Honda Fit.
E chauffeur tabata visiblemente bou influencia. A pidi un transporte policial. E tabata deteni y sigur cu basta debe riba dje pa bay paga e daño ocasiona.
