Fo’i 2018 te awo, ta un hala di orde maatregel SADA a haya. Den varios ocasion a hiba nan corte, pasobra diripiente economia di Aruba ta tranca.
Ta straño cu ora tin un fin di siman largo, of ora cu tin dia di ATV cu ta colectivo cu ta duna, e ora si e economia di Aruba no ta tranca. Ora cu cera 4 dia pasobra tin por ehempel un dia di fiesta oficial y un ATV memey, ta traha cuater pa cinco dia cu Duana no ta traha, e ora si no ta perhudica economia.
Esey ta lamentabel pasobra diabierna, un rato cu Cuerpo di Duana, no tabata ni full plat, diripiente tin caos na Aruba. Esey ta hopi lamentabel di parti di ATIA. Nan tabatin diferente representante y cada un di nan a keda expresa n’e manera ey.
Fuera di esey, Maduro a splica cu ATIA lo mester a bay bati porta n’e director di Duana. Ora cu tin un director cu ta tuma un posicion cu ta e ta esun cu ta manda y no ta worry loke ta sosode, a conduci na loke a sosode diabierna.
Maduro ta kere cu e siguiente biaha, ATIA mester bati porta na duana y si acaso tin tur prueba unda cu a trata di yega na un manera responsabel pa loke ta trata e tumamento di e oranan, no ta den nan man di e sindicato. Cumpliendo cu e circulario di prome minister, sindicato SADA no tin un ‘hou vast’ na ki manera y cuanto ora e ambtenaarnan lo bay tuma. Eynan e sindicato ta lamenta profundamente e manera con ATIA un biaha mas, ta ataca cuerpo di Aduana y e trahadonan, como si fuera nan no tin derecho riba e pais.
Pa un cobertura mas amplio lesa TREMPAN.
