E parlamentarionan di Aruba ta na Hulanda p’e reunion di Tripartiet. Aki nan ta atendiendo cu diferente topico, specialmente esun di Rijkswet. Presidente di Parlamento a expresa cu nan ta keda critico riba Rijkswet.
MEP den pasado tabata critico riba e poder cu Hulanda por tin p’esun di Rijkswet. A dun’e e nomber di “Hybride”, pero Secretario di Estado Alexandra van Huffelen a bisa cu no tin esey y ta un solo Rijkswet tin. A puntr’e si nan a volg esey durante e preparacion p’e encuentro di Tripartiet. mr. Edgard Vrolijk, Presidente di Parlamento, a indica cu nan a enfoca riba esey. Durante e reunion di Tripartiet un di e topiconan tabata Consensus Rijkswet. E ta haya cu mester distancia di un Rijkswet y Consensus Rijkswet.
Rijkswet tin un procedura y esey Hulanda ta dicidi. Tin e Rijkswet di Nederlanderschap y per direct mester acept’e. Tin un Consensus Rijkswet, cual kiermen cu temporalmente abo ta duna un bevoegdheid local pa bira di reino. Esey un gobierno por ehempel di Aruba hacie cu Hulanda mester tin hopi inzeggen. Esey ta locual semper MEP a opone.
E parlamentario a bay bek den pasado, unda cu na 2020 Aruba a haya dos Rijkswet. Esaki tabata debi cu n’e momento ey Aruba tabatin mester di ayudo urgente. A haya e CHE, despues el a bira COHO y Raft. MEP semper a para riba cu esey no ta un Consensus Rijkswet. Consensus Rijkswet ta algo cu ta trah’e hunto. E no por bin fo’i Den Haag, Hulanda, y ta teken bij het kruisje. Nan a haya rason riba esaki.
El a sigui splica cu nan a entrega nan verslag y te fecha di awe no a haya un contesta. COHO a bay fo’i mesa y a trek in Raft. Esey tabata nan punto di salida, di cual MEP ta critico. E fenomeno di Consensus Rijkswet no lo termina y ta algo cu lo keda bin.
Pa mas lesa TREMPAN.COM.
