E aña aki Aruba a haci apertura di su di 38 Aña Parlamentario. Un dia prome cu esaki, a tene votacion pa un Presidente di Parlamento.
Den e votacion aki a reeligi mr. Edgard Vrolijk (MEP) unanimamente como Presidente di Parlamento. un di e rumornan cu tabata circula tabata cu Shailiny Tromp-Lee tambe lo tabata un di e candidatonan pa e posicion aki, cual e presidente di Parlamento a nenga categoricamente.
Segun Vrolijk, e tema aki no ta tema di discusion. El a bisa tambe cu te hasta Tromp-Lee a vota p’e, pa cual e rumor aki ta sin fundamento.
Na final di dia ta keda decision di Parlamento y actualmente su persona tin sosten di su fraccion como tambe di coalicion. E tin e sosten di pueblo tambe y ta sosten’e tambe pa sigui trece mas cambio den Parlamento.
