Na 2009 mr. Mike Eman a sali di e boter magico y indica cu e lo ta e salbado di Aruba. Den esaki mr. Eman a ser yama e genio di boter magico unda cu e tin solucion pa mehora poder di compra, e lo percura pa bon gobernacion, drecha e maneho financiero y sigura di combati corupcion.
Resultado di e genio di boter magico Mike Eman
Mike Eman a priminti cu lo kita BBO y resultado tabata cu na aña 2015 a redobla esaki na 3.5%. Mike Eman a bisa di lo combati corupcion y hiba un bon maneho financiero pero esaki a resulta den dos minister condena pa corupcion. Mike Eman a bisa di drecha e maneho financiero pero esaki a resulta den un MEGA debe nacional unda a drispidi Afl. 2.200.000.000 (2.2 BIYON!) di pueblo. Esaki sin conta e proyectonan PPP cu na interes so ta pagando Afl. 306 miyon pa aña, placa cu por a bay den pueblo pa yudansa y inversionnan necesario. Mike Eman a hinca Aruba su finansas den problema y unda cu pueblo a bira esun cu pa e siguiente 20 añanan lo mester paga pa esakinan.
Na 2017 e genio Mike Eman a bay bek den su boter di luho
Despues di eleccion 2017 genio Mike Eman a bay bek den su boter di luho (su penthouse) unda el a laga pais Aruba den un debe te na garganta, sin un presupuesto pa acomoda e pago di proyectonan PPP y sigur cu un debe sin sa con lo bay paga nan. E mas pio ta cu el a laga nos cara na berguensa cu hasta un minister na porta di bay cera (cu awo ta cera na KIA) y un otro bou investigacion grandi pa reparticion di tereno (cu awo tin un condena).
Na 2021 e genio Mike Eman a sali bek di su boter luhoso
Mike Eman e genio no a sali na 2021 di e boter pa salba pueblo pero a sali paso e la haya holo di placa; el a wak un Aruba recuperando di un pandemia, cu un finansas publico y economia solido cu ta creciendo y bayendo den bon direccion. Paso na momento y durante di e pandemia mundial di COVID-19, mientras pueblo tabata lucha pa sobrevivi, Mike Eman a prefera di keda den su boter luhoso (su penthouse) pa skirbi un buki. Un buki cu niun editorial kier publica toch.
Mi conseho na pueblo ta pa manda e genio Mike Eman aki pa semper den e boter luhoso pa e no sali mas paso na final ta e GENIO DI DESASTER Y CORUPCION e ta.
