Diabierna a tuma luga e apertura di Interparlementair Koninkrijksoverleg entre e parlamentarionan di e tres paisnan autonomo den Reino y esunnan di Hulanda. E geschillenregeling ta un punto di discusion keto bay den e reunionnan di IPKO. Un punto cu tin como dies aña caba pero cu ainda no por yega na un punto comun cu Hulanda.
Parlamentario di partido MEP y Presidente di Parlamento, mr. Edgard Vrolijk a indica cu den e reunionnan di IPKO di diabierna, un di e puntonan di discusion ta keda e Geschillenregeling. Por ripara cu Hulanda tambe ta hopi interesa y un di e preguntanan di Hulanda tabata tocante esaki.
Intencion ta cu Aruba ta presenta e puntonan di discusion riba geschillenregeling, cu sosten di Corsou y Sint Maarten, y lo entrega esaki na Minister-president cu lo duna e instruccion na Minister Plenipotenciario di Aruba, mr. Ady thijsen cual na su turno lo present’e den Rijksministerraad.
Den pasado, a bisa e parlamentonan pa nan bay traha e ley y esey a pasa. Ta e gobiernonan a traha e ley y e gobiernonan a duna e parlamentonan di e islanan pa haci esey, cual a haci tambe.
Esaki ta e producto di e tres islanan y esey mester respeta.
