Pa algun tempo caba Gobierno ta gaba cu e economia di nos pais ta creciendo economicamente, sigur di nos turismo.
Pero for di e diferente gremionan, pero tambe e sindicato- y organisacionnan manera OPPA, cu nan no ta mira e progreso den nan cartera, cu nan tin mas placa den nan cartera, di e ciudadanonan. Minister Geoffrey Wever, e titular di Economia, a bisa cu Gobierno ta continuamente bezig pa cu e pregunta cardinal aki, di con ta haci pa e crecemento economico yega cerca e hendenan.
For di diferente documentonan publica, por wak e crecemento nominal hopi positivo, pa otro aña 6.8 biyon florin, pa e aña aki ta 6,5 biyon florin. Prome cu pandemia tabata papia di 6 biyon florin y otro aña ta 6.5 biyon florin. Ta crecemento nominal grandi, pero comunidad ta biba un dolor y un situacion duro. Mester kita e parti di inflacion, e parti di aumento di prijsnan di e cifranan positivo y bo ta haya e GDP berdadero.
E crecemento real per capita ta hopi mas abou cu esun nominal. E entrada cu ta haya como pais ta grandi, pero e no ta yega cerca e poblacion.
