E persona tras di henter e organisacion pa trece team di softball masculino fo’i Canada ta Earl Sutherland. E ta haciendo esaki pa diesdos aña. E ta sinti cu e biaha aki si nan a bin c’un team mas duro pa competi contra e teamnan di Aruba.
Earl Sutherland ta naci aki na Aruba, pero di chikito su mayornan a bay biba na Canada. Desde cu el a bira pensionado, e ta bin Aruba pa tres luna. Desde e prome dia cu a pidi Earl pa bin cu un team pa hunga aki, e ta haciendo esey. E ta hopi trabou, pero e ta pusha pa bin cu e hungadonan di 50+ of 60+.
El a splica cu e no tabata sa con pa haci esey. Pero despues cu el a haci algun investigacion, el a logra. Den e ultimo shete añanan e proceso a bira miho y hopi hende a cera conoci cu ne. E hendenan di Aruba gusta nan wega di baseball y nan ta bini hunto. Loke el a ripara cu Aruba ta haci pa nan ta gana nan. E biaha aki nan meta ta pa gana e teamnan di Aruba.
Sutherland ta gradici cu a habri porta pa nan hunga aki.
Desde cu nan a yega, e unico dia cu nan a train tabata dialuna. Na Canada pa algun luna nan no ta hungando baseball pa motibo cu ta friu. “Nan sa con bon Aruba ta. Nan a bin bon prepara”, segun Sutherland.
