Org. Caballista Arubano (OCA) ta organisa Feria Nacional di Cabay y Equitacion. E fin di siman aki, esta diasabra y diadomingo, tin e competencia di Cabay como tambe Equitacion na Villa Floralina.
Diasabra cuminsando pa 6:00 pm lo tin competencia di Cabay, cu un total di 27 cabay inscribi. Tur cabay lo ta competi pa asina clasifica pa e Gran Campeonato na final di anochi den diferente paso como Trote y Galope, Trocha, Trocha y Galope y e mas popular Paso Fino.
![](https://24ora.com/wp-content/uploads/2024/06/Gensis-1.jpeg)
Diadomingo tin un total di 30 Jinetes & Amazona cu lo drenta pista di competencia representando diferente rancho rond di Aruba cuminsando 4:00 pm. Edad desde 6 aña te cu riba 25 lo participa diadomingo den diferente categoria pa determina e Miho Amazona of Jinete den nan respectivo categoria. E hues pa e evento aki lo ta dr. Henry Beltran di Colombia. Entrada ta gratis pa publico.
![](https://24ora.com/wp-content/uploads/2024/06/Zachary-1-1080x1440.jpeg)