Diamars, 11 di September 2018 Chef Andrew Tromp a duna un curso special di cushinamento VEGAN den Centro di Bario Brazil.
Esaki tabata un exito completo. E participantenan a siña cushina Fresh Vegan quinoa salad y Roasted pumpkin. Un plato cu no ta solamente saludabel, pero cu ta evita hasi uzo di tur cos cu ta wordo produci for di animal. Door di e interes halto di siña cushina cuminda VEGAN Stichting MOBIS ta organisa un otro curso unda Chef Andrew Tromp lo bin cu un otro receta di cuminda Vegan.
E curso aki lo tuma lugar diamars, 18 di September 2018 na Centro di Bario NOORD pa 6:30pm-8:30pm. Si bo persona ta interesa pa haya mas informacion yama Stichting MOBIS na 5832233 of tuma contacto cu nan via nan Facebook page: Bario Bibo. Tene na cuenta cu cupo ta limita.
