Tur e amantenan di fiesta, e wardamento a CABA! E mayor evento acuatico y di beach di aña na Aruba, e “Boat Fest” ta ey mes! E evento increibel di boto, floaters, bon musica y fiesta riba beach lo tuma luga diadomingo, dia 14 di januari, for di 12:00 pm na Surfside Beach Bar.
E Boat Fest di e aña aki lo ta e evento mas grandi cu Aruba a mira den hopi tempo. E dia lo ta yena di actividad, DJ impresionante y naturalmente, oferta espectacular riba bucket. Cu un stage traha riba beach, ta spera un constelacion di DJ mas hot di Aruba. P’e bon ambiente no cay atras, lo bo por disfruta di e ofertanan riba e bucketnan di Coronita (florin) durante henter dia.
Tambe lo tin un Coronita Lounge special riba beach pa tur cu kier refresca mientras cu nan ta disfruta di un ambiente di beach unico. Encuanto e bucketnan di Coronita y otro bebida, nan lo ta disponibel den e diferente barnan situa riba e mesun beach. Asina ta bin cu bo floaters, tubes, boto y bin pasa bon!
E evento aki ta gratis p’e publico y ta patrocina pa Coronita, Moët & Chandon, Hennessy, Fookiu Vodka y Aperoll. Pa mas informacion, bishita www.boatfestaruba.com.
