Hanasaki actualmente ta promocionando un menu nobo di Poké Bowl cu productonan fresco cu productonan fusion Peruano/Hapones.
Pierro Martinez, Sushi Chef na Hanasaki a splica cu e ta ideal pa hendenan cu e personanan cu ta practica algun deporte. Pero tambe pa e amanan di cas cu kier como algo fresco, algo diferente cu nan tin opcion unda e poke bowl ta bin cu aros bruin, lechuga of quinoa. Ta cushina esaki cu diferente berdura, cu mas sabor. Tambe nan ta pone mas berdura acerca, berduranan Peruano.
Tin cu cashew y pistacho, pero tambe nan tin cu salmou, galiña of tenderloin. Nan tin un mescla di spicy tuna diferente cu no ta haya na niun otro restaurant Hapones. Tur e ingredientenan cu nan ta uza nan ta pone algo mas cu ta haci un diferencia y frescura for di e otro luganan.
Hanasaki tin tambe diferente sorto di sushi, rollnan traha di papel di aros, lechuga. Pero tambe nan tin cuminda cayente manera yakimochi rice cu ta manera un fried rice, tambe nan tin yakisoba noodles, chicken teriyaki, tenderloin teriyaki. Nan tin un menu hopi varia. Nan sushi tin un super bon sabor, miho cu cualkier otro restaurant di sushi na Aruba.
Pierro Martinez, Sushi Chef na Hanasaki ta extende un invitacion na e pueblo di Aruba pa bishita Hanasaki Playa y Hanasaki Fusion cu ta keda den area di e hotelnan high rise. Bin saborea nan dushi poké bowl, cu nan a caba di lansa y cual nan ta promocionando actualmente.
Nan orarionan ta di 11:00am te cu 10:00 pm. Den fin di siman nan ta habri for di 5:00 pm te cu 11:00 pm.
