Dialuna pasa di 11:30 pm polis a bay na Pitastraat pa un accidente. Aki ta caminda c’un chauffeur di un Nissan Tiida a bay dal den un Hyundai Getz color blauw scur para dilanti un cas. Despues di esaki, e chauffeur di e Nissan Tida a purba huy.
N’e sitio polis a pone e chauffeur supla y a constata cu el a surpasa e maximo permiti pa ley. A bay over na su detencion mesora, mirando cu, ademas di tabata stuur bou di influencia di alcohol, e no tabatin rijbewijs cu ne y e auto su papelnan no tabata na ordo tampoco.
