Cantidad di persona a presenta na centro di vacunacion di DVG, cu ta situa na Playa, pa busca nan vacuna sea ta prome of di dos dosis. Pero pa esunnan cu ta bay vacuna prome biaha, tin di haci un afspraak. Na e centro di vacunacion di DVG tin un cantidad limita pa dia, p’esey ta papiando riba posibilidad di habri otro centro di vacunacion.
Sharline Koolman, hefe di e seccion di Malesanan contagioso di Dienst Besmettelijke Ziektes (DBZ), a pidi pa ta pendiente di e informacion ey y con e ta bay tuma luga. “Berdad ta cu ‘no hay mal que por bien no venga’ manera ta bisa na Spaño”, el a indica. Si esaki a tuma pa persona mira con importante ta pa vacuna, a base di esey loke a haya na pedida pa duna mas vacuna. Nan ta spera mas si, pero no ta loke a spera.
DVG ta spera cu hende ta bay pidi pa mas vacuna. E realidad ta cu pa awo e centro di DVG por atende pa dia entre 380 pa 400 persona. “Si pidi afspraak, tin e chens cu te aki un siman por haya bo afspraak”, segun Koolman. Nan ta bay purba mira con pa minimalisa e tempo di espera c’un persona a dicidi awo pa miho e vacuna. E ora ta dun’e un siman menos di warda y cu e chens menos hende ta contagia.
Pa cobertura mas amplio, lesa e edicion di TREMPAN mañan.
