Tabata alrededor di 11:45 pm cu polis, durante su patruya riba caya, a topa cu dos hoben canando memey caminda. Ta rib’e camind’i Shiribana pa Paradera, polis a duna e hobennan aki señal pa nan stop di cana, pero sin resultado. Mesora a start un persecucion na pia, unda cu a drenta mondi tras di nan, pero por lo menos un di nan logra huy.
Tur cos ta mustra manera uno tabatin mas condicion cu e otro mirando esun a logra core pa polis, mientras cu e otro no. A detene e hoben y a transport’e pa warda di polis.
Mescos cu e otro personanan cu polis ta detene durante toque de queda, e tambe tin cu bay paga un multa cu ta cuminsa for di mil florin. Pa awo, e lo pasa e anochi tras di trali, drumi riba beton, en bes di corchon.
