Mireille Meeuwissen ta directora di DPL y el a comenta riba e desaroyonan cu tin di haber cu e maneho di busca hende riba mercado laboral. Nan tin un voz importante tambe ora cu mester di hende di afo pa traha y nan tin un rol pa hunga tambe den esey.
El a splica cu prome cu pidi permiso pa un stranhero bin di afo pa bin traha, tin cu pasa e vacatura DPL. Ta bay wak pa cuater siman largo riba mercado laboral,kende por tin disponibel prome na Aruba, prome cu duna OK pa e permiso.
Demanda
Awor aki e demanda mas grandi cu tin ta koki, housekeeper, panadera. Echt funcionnan cu tin di haber cu un ambacht, cu tin di haber cu siña un ofishi.
Flexibilidad
Meeuwissen a splica cu tin un paro riba prome permiso, no for di awo, sino for di 2011. Esaki a wordo publica pa varios aña cu Gobierno no ta otorga e prome permisonan. Esey ta haci e situacion dificil. Pero mirando esey tambe pa e otro banda, Gobierno ta bezig ta wak por ehempel pa bin via enseñansa pa empleo cu cierto di e cursonan ey, pa bo siñ’e pa asina bo vang op e problema ey.
Conseho na Gobierno
DPL ta duna conseho. Por ehempel un conseho cu a duna ta cu si bin cu e panadero of koki di afo, por ta bo por mand’e na un counterpart. Pero como Gobierno bo ta pone cursonan disponibel pa siña un ofishi y alabes por cana na banda di e persona cu si ta eherce e funcion pa e por siña esaki tambe, pa e loopop e ervaring. Esey ta ehempelnan cu a duna. Y tin diferente opcion cu bo por bin cun’e, pa bo no bay haci dificil pa comercio tambe. Pasobra comercio tin cu draai pa e economia di e pais draai.
Desempleo
Hopi biaha tin di haber cu e orario di trabao, pa loke ta housekeeping por ehempel. Tin cu pensa como e werkgever, no sa te caminda ta posibel, pero ta un idea pa bay wak con por haci pa e shiftnan bira un tiki menos cu bo ta traha menos shift. Esey ta nifica cu tin cu tuma mas hende. Ta manera nan creativo cu por bay pensa con ta haci’e pa e trabaonan no bira asina, cu e hendenan no kier tun’e. Vooral no solamente ta duro, no tin manera e pueblo ta bisa, no tin un bida personal. Pasobra e orarionan ta hopi duro tambe. No e trabao so. Tur tin cu pone cabes hunto. No Gobierno so. No DPL so, pero tur tin cu wak con por haci’e cu toch ta haci’e atractivo pa e hendenan local tuma e trabaonan ey.
