Diamars atardi alrededor di 3:30 pm a sosode un accidente cu dos persona herida riba e caminda principal di Santa Cruz. Ta net dilanti di KFC, aki ta caminda cu un Kia Picanto biniendo for di panort a dal contra di un Nissan March color blauw cu a subi caminda sin duna preferencia.
Daño material tabata basta, dos persona a resulta herida den e accidente aki. Un total di dos ambulance a presenta p’asina brinda atencion medico na e victimananan. Polis di trafico a documenta e accidente mientras cu e patruyanan di Santa Cruz tabata desvia trafico.
