Diamars atardi, den careda di 4:30 pm, a sosode un accidente pariba di Light House unda dos UTV a bolter.
Tres unidad di polis a presenta n’e sitio pa atende cu e accidente. Ambulance tambe a presenta na sitio pa atende cu dos persona cu a resulta herida. Despues di a stabilisa nan, e paramediconan a transporta nan pa hospital.
A pidi presencia di specialista di trafico pa motibo cu e turistanan tabata duna diferente version di loke a pasa.
