Tabata alrededor di 10:25 pm cu polis a topa cu un homber riba bais den Emmastraat. Manera ta conoci, toque de queda ta bay na vigor for di 10:00 pm, pues e homber tabata binticinco minuut laat riba caya. A deten’e y transport’e pa warda di polis. A topa cu ne, net panort di Kowloon Restaurant. E homber a bay compaña cu su bais ros den e vehiculo di transporte.
No a dura mucho cu polis a topa un otro homber riba caya durante toque de queda. E biaha aki tabata den Pampunastraat den Dakota. E no por a demostra ni tampoco argumenta un motibo valido pa ta riba caya durante toque de queda.
E tambe a ricibi un cabey di boto gratis pa warda di polis. Ambos sospechoso lo pasa e rest’i anochi tras di tralie.
