Den careda di 9:30pm habitantenan di Savaneta a bati alarma pa tironan scucha na Savaneta. Varios unidad di Polis a bay na e sitio pa mira e situacion.
A bin topa cu varios persona cu mira arma y scucha tiro. Ta trata di dos homber flaco. Ta ser menciona cu a los cuater pa cinco tiro y despues nan a subi un Nissan March RHD y core bay direccion San Nicolas. Na sitio, patras di Do It Center na Savaneta ta unda cu personanan a scucha y mira.
Polis a cera henter e area pa cuminsa cu e investigacion necesario. A rondona full e caya na unda cu e cos a pasa. Tabata buscando pa perforacionnan na edificio of obhetonan cu hulls. Cuerpo tecnico a bay na e sitio tambe unda e tironan a cay pa capta algun imagen.
