Un famia a pasa den un susto grandi ora cu dos homber arma a drenta un cas na Emmastraat.
Ta Emmastraat 33 na famia Ridderstaat. E dos atracadornan color cla pero bisti na preto, pechi y bril a drenta e cas. Tabata tin yiu paden pero tabata drumi un rato. E mama a haye cu e atracadornan cu tabata pidi pa placa. Nan a keda insisti pa duna placa.
E armanan tabata revolver y habitante di e cas a mira cu e arma tin hasta silenciador. Esaki ta pa ora cu tira e no haci masha desordo.
Tur cos ta mustra cu ambos atracador a bandona e sitio sin logra haya e placa cu nan a puntra pe. Solamente ambos atracador a bisa cu nan lo bolbe. Polisnan a cuminsa busca mesora rond. Un patruya a yega na e adres y tabata purba comunica cu e famia cu tabata basta spanta. Algun testigo ta bisa cu e atracadornan a core bay direccion Boliviastraat. Hasta banda di e parkinglot patras di Arubus tin choller a mira dos guy bisti na preto core bay zuid direccion Ice Plant.
Mirando e susto di e famia den cas a causa cu a yama slachtofferhulp pa atende cu nan. Atraco Team a ser avisa tambe. E famia ta bisa cu nan conoce e area y berdad e area a daña hopi pero nunca a pensa cu e problema of peliger lo yega te den nan hogar. Ta spera cu logra haya sa ken a comete e atraco pasobra den e vecindario tin basta camera di seguridad.
