Den oranan di marduga Polisnan riba caya a bay na e edificio di Ex Cristal Ice Factory banda di waf crusero. E tempo aya e tabata di famia Palm di Rancho. Kizas awendia ainda esey por ta e caso. E fabrica di ijs a cera y despues no a tende nada mas di e edificio. Mientrastanto e chollernan si a logra apodera di e edificio. Den marduga el a bira nan hotel. Polisnan a ser avisa y a bay eynan pa mira e situacion. A bin topa cu trapi cu ta ser usa pa yega riba un cas di coriente. Via e parti aki e chollernan ta bula bay ariba y eyriba nan ta keda pa sea sosega y huma nan porkeria.
Polis a purba core cu nan. Asina mes autoridad ta haci un apelacion na e doñonan pa bay atende cu nan edificio. Si nan lo cera esaki, e lo bay bira un problema hopi serio. Ta conoci cu e chollernan ta kibra of causa hopi daño paden y ta conoci tambe cu na final nan ta cende bo propiedad na candela. Pesey core cu nan y cera e lugar por evita esaki.
