Recientemente a tuma luga e conferencia di IPKO na Hulanda, caminda nos reportero di 24ora.com, Marko Espinoza a realisa un entrevista cu parlamentario di Tweede Kamer Don Ceder di e partido Christen Unie (CU) riba diferente topiconan, entre otro e relacionnan den Reino.
Ceder a cuminsa menciona cu ta hopi importante na Hulanda pa realisa cu nos ta den un Reino cu paisnan riba nivel igual y pa esaki mester di hopi cooperacion. Aki e politico a duna varios ehempel di nivelnan di cooperacion entre e paisnan den Reino Hulandes, entre otro: asuntonan, climatico, economico, frontera. Ta haya hopi importante pa fortalece e lasonan di cooperacion mutuo “Nos mester di Aruba, Corsou y Sint Maarten”, mi ta spera cu for di e angulo di Hulanda por wak kico e paisnan aki ta nifica.
A puntra parlamentario Ceder si por fortalece e lasonan entre e paisnan den Reino, mirando cu e proceso di formacion pa un gabinete nobo Hulandes lo ta uno di signatura derechista. Ceder ta indica cu “e mas importante ta pa scucha otro”, actualmente e politico ta 3 aña miembro di Tweede Kamer. E parlamentario Hulandes ta mustra cu “a tende” cu riba Aruba na varios ocasion tawata tin malcontento riba con e situacion a bay despues di Covid y COHO. Nos a haci algo riba esaki y finalmente e ley no a sigui riba e manera con e tawata formula originalmente. Pues si ta scucha otro y tin comprension pa otro, por negocia cu otro tambe.
E politico hoben Hulandes ta mustra: “Cu e ta spera cu lo keda scucha otro, pasobra esaki ta e yabi”. Ceder a agrega bisando: “Mi ta tende cu hopi biaha no ta scucha di otro, y e paisnan ta haci ‘kico nan kier’, ‘Hulanda ta haci kico cu e kier’, y aki e cooperacion no ta bay bon. Ta spera cu lo cuminsa pone atencion pa scucha otro unda e dolor ta sinta, pero tambe unda e oportunidadnan ta.”
Espinoza a señala e problematica di vivienda cu e studiantenan na Aruba ta confronta na Hulanda y si Tweede Kamer por haci algo tocante e problema aki.
Ceder ta mustra cu “Claro, ta un problema grandi, y di loke ‘nos a tende’ cu studiantenan cu yega Hulanda ta haya nan confronta cu varios problema entre otro: vivienda, finansa, soledad, no tin circulo (network) di conoci of amistad.” Esakinan ta cosnan cu mi ta kere como Tweede Kamer nos por miho.
Nos a tuma diferente pasonan, a implementa un number di BSN ( Burger Service Nummer ). Durante cu mi tawata miembro di Kamer tres aña pasa, no tawata tin number di BSN ainda. Pa loke ta trata di vivienda, finansa y mester percura pa suministra bon informacion prome cu e studiantenan yega. Ceder a mustra: “Tin hopi trabao cu tin cu tuma luga, y mi ta spera di por duna un aporte”.
