Awe diabierna y mañan diasabra California Lighthouse lo ta habri parti di anochi pa publico. Esaki ta relaciona cu luna yen. Ora luna ta yen por disfruta di un bunita paisahe di Aruba for di e top di e faro.
Den 5 pa 6 minuut bo ta ful ariba y por aprecia e bunitesa di Aruba y tambe e luna yen. Ta habri for di 7.30 di anochi tanto diabierna y diasabra. Ta invita un y tur pa bini y aprecia nos isla y su monumentonan.
