Directie Natuur & Milieu ta situa den e edificio di Uncle Louis Store na San Nicolaas, cu recientemente a gana un premio di Pieter van Vollenhoven.
Ta di remarca cu ta prome biaha c’un monumento pafo di Hulanda ta gana un premio y sigur mester ta orguyoso cu Aruba tabata e prome.
Gisberth Boekhoudt, director di Directie Natuur & Mileu a cuminsa na bisa cu na principio a acerca DNM pa haci uzo di e edificio. Di eynan a surgi e pregunta si si por tin e factornan di sostenibilidad inclui den e edificio, cu tabata pa restaura.
Nan a haya como contesta cu esaki tabata factibel pa inclui cierto factornan di sostenibilidad den dje. Esey a habri caminda pa DNM considera e edificio pa e siguiente uzo.
Un di e prome factornan cu a agrega riba e lista pa inclui den e edificio monumental, tabata e panelnan solar.
DNM tin nan den uzo y e eficiencia den e uzo di coriente, ta uza aworaki 28% pa luna, menos coriente di ELMAR y mas solar.
Un otro factor ta, cu si por uza e awa di airco, pa reuza esaki. Unda pa medio di un pos ta colecta e awa, cu ta pump esaki bek den e reservoir di e bañonan.
Pa por haya sa mas di esaki, abona riba bo corant digital TREMPAN.