Tumando nota den loke ta accidentnan aki na Aruba por mira cu hopi auto no ta sigura of no tin number di auto regla durante accident. Esaki pa e seguronan ta poco preocupante pasobra ley no ta obliga segura bo auto henter aña, solamente ta exigi pa e seguro ta valido pa por cumpra e number di auto. Hopi hende no ta cumpli.
A puntra Departamento di Impuesto con nan ta mira esaki y si tin un plan. Mr. Luenne Gomez-Pieters ta directora di Departamento di Impuesto pa ocho aña caba y ta bisa cu si ta un cos e kier cambia cu ta ainda riba su ‘wish list’ ta ful e proceso di otorga plachi di number.
E directora tambe a enfatisa riba e pago di impuesto combina cu pago di seguro, y tambe keuring. Tin un grupo di trabao specificamente riba tereno di vehiculonan UTV cu ATV, pero e ta conta tambe pa tur otro plachi di number normal.
DIMP ta haya diferente feedback di polis, DTP cu ta duna e permiso, DTI cu ta contra keuring, y tambe companianan di seguro. Nan kier cera e circulo. DIMP ta encarga cu cobransa di impuesto, cu un sistema digital na unda 31 di Januari tin pa paga, si no pa 1 februari e multa ta den sistema.
Pa relato amplio lesa TREMPAN.