Departamento di Integracion Maneho y Admision di Stranhero ta felicita Julio Rincon cu e bunita resultado di un 8.0 pa e culminacion di su estudio den Bachelor den Marketing & Business na Universidad di Aruba.
Julio Cesar Rincon a haci un estudio di mercado na DIMAS pa midi a satisfaccion di clientenan y asina duna recomendacionnan con DIMAS por transcende di un “Red Tape organization” pa un “Red Carpet organization”. E tema di Julio su tesis tabata “The relationship of customer service quality and customer care with customer satisfaction.”
Dia 30 di juni ultimo, Julio a defende su tesis na Universidad di Aruba den presencia di su mentornan, coordinador di UvA, directora di DIMAS y famianan. Di parti di gerencia y personal di DIMAS nos ta extende un palabra di felicitacion y ta desea Julio hopi exito cu comienso di un briyante carrera.
