Recientemente tabata presente durante un sesion di formacion di Kustwacht. A extende e invitacion aki na prensa p’asina publico tin un miho bista di kico e estudio di basisopleiding kustwacht ta encera. Durante e bishita por a mira un grupo di diesocho hoben cu cuminsa na augustus ultimo y ta programa pa termina na juni 2023. Entre nan tin yiu di Corsou, Arubiano y tambe for di St. Maarten. E biaha aki no tabatin ningun aspirant femenino cu a registra.
E estudio ta consisti di diferente modulo y vak cu ta haya pa desaroya nan mentalmente y físicamente. “E trainingnan ta hopi intensivo. E parti fisico ta basta pisa, pero ta mira cu e aspirantenan ta catch up hopi lihe. Nan ta hopi bon prepara y disciplina pa haci e entrenamentonan y nos tin hopi bon instructors tambe,” asina Shalick Clement, vocero di Kustwacht a indica.
Di su banda, Randy Paskel, hefe di Kustwacht Aruba a splica cu e entrenamento di tiramento ta forma parti esencial di e funcion como opspoorsambtenaar, esta como buiten agent van politie riba lama. “Ta siña nan con pa proteha nan mes, con pa atende diferente situacion cu por encontra riba lama.”
Pa e relato completo, lesa edicion di TREMPAN
