Ateliers ’89 Punto di Beyas Artes Aruba tin e orguyo di anuncia e participacion di Aruba den e Bienal di Mykonos 2021. Durante e inauguracion di e exposicion P A N Gods Artists (in the times of COVI) a prelude to Caribbean Linked VI On-Line, tabatin e sorpresa cu durante su bishita na Aruba y na e inauguracion di e exposicion, e curador di e Bienal di Mykonos 2021, Sozita Goudouma, ta invita director, curador y artista Elvis Lopez pa ta e co-curador di e bienal.
Inmediatamente y a lo largo di e simannan cu ta bin, a dicidi invita dies artista Arubiano pa participa den e bienal. Proximamente, na final di september y october, cu e gran dia di e inauguracion diasabra, 2 di october. Esaki tabata naturalmente e cherry rib’e bolo pa e exitoso exposicion P A N.
Tambe tabatin e suerte cu UNOCA ta celebra den 2021, su 35 aña di existencia. Pa haci e momento aki ainda mas festivo, a dicidi patrocina un gran proyecto manera esaki, yudando shete artista biba na Aruba pa participa den e bienal, mientras cu e organisado di e bienal ta encarga di financia e demas artistanan.
Tambe Ateliers ‘89 ta hopi contento debi pasobra a haya e informacion cu fundacion Mondriaan ta bolbe financia Ateliers ‘89 pa 2022 y 2023. Ta gradicido y ta sigui spera cu lo yuda den e bienal cu e artistanan Arubiano.
E artistanan scogi ta Darwin Winklaar, Alydia Wever, Wilfred Jansen, Jess Wolff, Samuel Sarmiento, Velvet Zoe Ramos, Ken Woff, Chelsea Peterson, Irvin Aguilar y Romelinda Maldonado. Esey ta nifica cu Caribbean Ionic Hurricane Blast ta den marcha.
Tambe Ateliers ‘89 ta gradici su patrocinadonan: Mondriaan Fonds, Giro Loterij, UNOCA, Prins Bernhard CFCG y tur e demas institucionnan local cu a colabora cu Ateliers ‘89 durante varios aña.
