Dienst Besmettelijke Ziekte (DBZ) di Departamento di Salud Publico no ta encarga unicamente cu vacuna di COVID pero tambe varios otro vacuna manera Gele Koorts, Meningitis, Hepatitis y mas. Na momento cu un persona ta bay di biahe sea pa motibo medico, studia of vakantie, ta hopi importante pa confirma hopi tempran si bo pais di destinacion ta exigi un of mas vacuna pa por drenta e pais.
Na e momentonan aki Dienst Besmettelijke Ziekte (DBZ) ta confrontando e situacion di variso persona, cu 1 of 2 dia prome cu nan biahe ta yama pa por vacuna. Esaki ta trece stagnacion den e servicio y e biahero lo no ta proteha den e prome dianan di su biahe. Tur vacuna ta rekeri un averahe di 10 dia despues di aplicacion, pa e por duna e proteccion nesesario. Pa e motibo aki ta recomenda tur persona cu ta
pensa di bay biaha den e siguiente siman of luna, cu mester vacuna pa drenta su desitinacion, pa haci un cita 3 siman prome cu biaha preferible na [email protected] of yama na 522-4239 of 522-4241.
Pashent di AZV cu ta en espera di aprobacion pa biaha y cu lo mester vacuna pa biaha, nos ta recomendanan pa no warda te ora cu nan haya aprobacion pero cuminsa cu e proseso pa solicita un cita pa vacuna mesora. Pa bay Colombia e vacuna rekeri ta Gele Koorts y e vacuna aki ta un solo dosis cu ta dura pa bida largo. Si ta bay den region di amazona, ta rekeri mas vacuna. Dus busca bo vacuna tempran
Pa sa cua vacuna cada pais ta rekeri, por consulta e siguiente websitenan:
https://lcr.nl/
https://wwwnc.cdc.gov/travel/destinations/list
