Diana Velasquez ta un Colombiano y ta traha cu hende adulto mayor. E ta conta cu tin hopi adulto mayor ta pasando den momento hopi dificil. Por a mira hopi adulto mayor cu ta bibando den cas di cuido, pero cu ta nan so, cu no tin famia cu ta bishita nan, bibando un bida hopi dramatico. Y esey ta e caso di Dorita, un señora di 76 aña di edad, Colombiano, pero casa cu Arubiano, ta pasando aden.
Su casa a fayece y e no tin ningun famia na Aruba, si no na Colombia. Pero awo e ta na hospital. Diana ta conta cu Dorita mester di ayudo. Mester saca Dorita for di Hospital, segun Diana. Riba su red social el a publica caba riba Dorita, y cu e ta hopi malo ya pa un luna na hospital.
Mirando cu e mester sali, e no por haci esey pasobra e no tin ningun hende aki. E ta den un estado basta dificil y ta deseando pa pueblo di Aruba y e colonia Colombiano, pone man na curason y yuda. Mester manda Dorita bek Colombia. E tin un famia ey cu ta bisa cu por yuda, pero mester di cumpra pasashi.
Dorita kier a keda Aruba den un cas di cuido, pero e placa cu e ta haya di pensioen, no ta yega. Diana a indica cu cualkier cos por yuda den e situacion aki. Dorita mester sali pa por mand’e Colombia. “Awo ta pa Dorita, mañan ta un di nos,” ta loke Diana a bisa.
Diana ta traha cu adulto mayor y e ta mira varios caso dramatico. Biehes ta hopi dificil, el a comenta. Tambe el a dirigi na su colonia Colombiano y ta pidi pa yuda cu Dorita. E tin un ekipo di cinco persona cu ta yud’e n’e cas pa por yuda manda Dorita cas.
Cualkier cos por yuda pa cumpra e pasashi y manda Dorita. E por haya su pensioen tur luna y cu esey e por come trankil. Importante ta p’e sali for di hospital.
Pa por yuda Dorita por manda cualkier contribucion na Aruba Bank cuenta nr. 5938820190 bao nomber di Diana P. Velasquez Santana. Cualkier cos ta pidi por fabor habri boso curason pa por saca Dorita fo’i hospital pa por mand’e Colombia. Den ekipo por logra hopi. Biehes ta hopi duro, cu of sin yiu. Ta p’esey Diana ta bisa tur hende cu mester prepara si nos tin biehes, pasobra e ta hopi dificil. Por a aprecia cu tur hende cu por a yuda durante e periodo aki.
