Diadomingo awo, dia 2 di juni, Iglesia Catolico ta celebra e Solemnidad di Corpus Christi. E fiesta aki ta un celebracion special pa conmemora e curpa y sanger di nos Señor Hesucristo berdaderamente presente den forma di pan y biña. Ta custumber cu ful rond mundo riba e dia aki lo tin procesion y adoracion dilanti di Santisimo Sacramento di Altar. Na Aruba tambe diferente parokia lo organisa algo pa celebra e fiesta grandi aki.
Fundacion Kapel di Bethania lo bay tin un dia cu adoracion y alabansa. Esaki lo sosode cu diferente grupo di oracion durante henter e dia den e Kapel di Bethania.
E dia aki lo cuminsa pa 7:30 am cu un Santo Sacrificio di Misa den Misa Santa Anna na Noord y despues lo sali cu Santisimo den procesion bayendo direccion Kapel di Bethania.
Pueblo di Aruba ta keda invita pa pasa y forma parti cu cualke grupo cu ta desea pa pasa un momento di adoracion y alabansa hunto dilanti Hesus den Santisimo Sacramento di Altar.
Lo termina e dia cu resamento di oracion di atardi (Vespers) y bendicion solem pa 5:00 pm.
