Diabierna Santo durante TDQ, un poco despues di 11:00PM, un dama a hay’e ta subi caya dilanti su cas pa pidi auxilio na e patruya di Polis pasando. Esaki a sosode den Caya Ernesto Petronia na Playa. Mesora mas Polis a presenta na sitio pa asisti.
Un problema serio cu tin varios dia tumando luga cu mas frecuencia y mas bisto awo pa e comunidad door di e Shelter in Place y e TDQ cu ta haci cu tur hende mester ta den nan cas. Den algun caso, victimanan ta cera den cas cu nan agresor den un situacion hopi peligroso pa nan, sin conta den algun caso pa nan yiu(nan) tambe cu ta envolvi.
E dama na su turno a conta cu su pareha a bira violento den cas, a bati/agredi su persona y kita su celular for di dje pa evita e tuma contacto cu Polis. E agresor tabata na sitio y mesora polis a detene.
Na momento cu tabata pas’e over na CEA pa transporte pa Warda di Polis, e abusado a cuminsa yora. Porta el a realisa net e momento ey den cuanto problema e ta hinca.
